Saturday, May 17, 2014

ចេក និង សុខភាព (Banana and health)

ចេក ជាប្រភពនៃអាហារជាតិសរសៃ ប្រភេទជាតិខ្លាញ់ (saturated fat) និង កូឡេស្តេរ៉ុលកម្រិតទាប បំផុត ។ 

ចេក សម្បូឬទៅដោយវីតាមីន "B-thiamine" (B1) "Riboflavin" (B2), "Niacin (B3), ជាតិអាស៊ីដ "Folate" (6 ក៏បាន) និង បរិមាណវីតាមីន "B5" និង "B12" តឹចតួចបំផុត។ 

បើយើងប្រៀបធៀប ចេក ទៅនឹង ផ្លែប៉ោម ចេក មានសារធាតុ:  ប្រូតេអ៊ីន (Protein)  បួនដង កាបូអ៊ីដ្រាត (Carbohydrate) ទ្វេរដង ផូស្វ័រ (Phosphorus) បីដង វីតាមីន (Vitamin) និង ជាតិដែក (Zinc) ប្រាំដង វីតាមីនផ្សេងទៀត និង ខនិជ (minerals) ទ្វេរដង នៃចំនួន វីតាមីន  និង ខិលិជ ដែល មាននៅក្នុងផ្លែប៉ោម

ចេក ក៏មានផ្ទុកសារធាតុ ស្ពាន់ - "Copper" (ការពារសក់ប្រែជាសក់ស្កូវ graying)  ដ៏ច្រើនលើសលប់  "Chromium" "Fluoride" "magnesium" "selenium" (ការពារការ ប្តូរពណ៌សម្បុរស្បែក - pigment) និង ស័ង្កសី "Zinc) ។ 

ចេក ត្រូវបានគេស្គាល់ថា កាត់បន្ថយបញ្ហាសុខភាពរយៈពេលខ្លី និង រយៈពេលរ៉ាំរ៉ៃមួយ្ចំនួន 

យោងតាមរបាយការណ៍មួយចេកអាចកាត់បន្ថយហានិភ័យនៃការស្លាប់ដោយសារជម្ងឺដាច់សរសៃ ឈាមខួរក្បាលដល់ទៅ៤០%ប្រសិនបើយើងទទួលទានចេកជាប្រចាំ។ 

ចេកត្រូវបានគេរាយការណ៍ថា មានប្រសិទ្ធិភាព ឬ ការការពារជម្ងឺ និង បញ្ហាសុខភាព ជាច្រើនទៀត ដូចជាៈ-

ភាពស្លកស្លាំង - កង្វះឈាមក្រហម (Anemia) : ចេក ផ្តល់នូវ ជាតិដែក ដែលមានសារៈសំខាន់ សម្រាប់ការផលិត "hemoglobin" ,  "Myoglobin" និង អង់ស៊ីម (Enzyme) ជាច្រើនមានសារៈសំខាន់ សម្រាប់ ការបង្កើតកោសិកាឈាមក្រហម ។

សម្ពាធឈាម (Blood pressure) : ការសិក្សាថ្មីមួយ បានបង្ហាញថា "ទទួលទានចេក ២ផ្លែក្នុងមួយថ្ងៃ អាចរក្សាស្ថេរភាពសម្ពាធឈាមក្នុងកម្រឹតប្រក្រតី" ។ 

អាហារខួរក្បាល (Brain food): ការស្រាវជ្រាវបានបង្ហាញថា សិស្សដែលបរិភោគចេកនៅម៉ោង សម្រាក ឬ ម៉ោងចេញលេង និង ម៉ោងទទួលទានអាហារថ្ងៃត្រង់ គឺ អាចប្រមូលផ្តុំអារម្មណ៏របស់គេ នៅក្នុងថ្នាក់បានល្អប្រសើរ ។ សារធាតុប៉ូតាស្យូម (Potassium) នៅក្នុងចេក ជួយបង្កើនថាមពលខួរ ក្បាលរបស់ពួកគេ និយាយសង្ខេប គឺ ជួយដល់សមត្ថភាពការរៀនសូត្រ របស់ ពួកគេ។


ទល់លាមក (Constipation) : មាតិកានៃសារធាតុ "Pectin" ក្នុង ផ្លែចេក គឺ ស្រូបយកជាតិទឹក  ដែល សម្រួលដល់បញ្ហាទល់លាមក ។ ពិតជាជម្រើសដ៏មានសុខភាពល្អជាង ការប្រើប្រាស់ថ្នាំបញ្ចុះ លាមក ។

រាគរូស (Diarrhea): បរិភោគចេក ទុំ វាសម្រួលដល់មុខងារនៃពោះវៀនធំ ដោយស្រូបយកជាតិ ទឹកក្នុងទ្រង់ទ្រាយធំ និង ជួយរក្សាចលនា ពោះវៀនបានត្រឹមត្រូវ ។

ថាមពល (Energy) : មាតិកា កាបូអ៊ីដ្រាត (Carbohydrate) នៅក្នុងចេក ត្រូវបានប្រើជាប្រេងលំអឹល សម្រាប់ចលនាសាច់ដុំរបស់យើង។ ចេក បង្កើនថាមពលដ៏ល្ប្រសើរជាពិសេសចំពោះអត្តពលិក ។

ឆ្អឹតចុងដង្ហើម (Heartburn) : ចេកមានសារធាតុ (Antacid) ធម្មជាតិ ។ ប្រសិនបើ អ្នកបានទទួលរង ពីការឆ្អឹតចុងដង្ហើម គួរព្យាយាមបរិភោគចេក - ប្រឆាំងនឹងអាសុីតក្រពះ និងកាត់បន្ថយបញ្ហាឆ្អឹត ឆ្អល់នេះ ។

ចាញ់កូន (Morning sickness) : ទទួលទាន (Snacking) ចេក អោយបានញឹកញាប់ជួយ អាចរក្សា កម្រិតជាតិស្ករក្នុងឈាមរបស់អ្នក ដែលជួយបង្ការអារម្មណ៍ក្អួតចង្អោរ (nauseous) ។

មូសខាំ (Mosquito bites): សំបកចេកអាចសម្រួលភាពរមាស់និងកន្ទួលក្រហមដោយសារមូសខាំ - យកសំបកចេកត្រដុសក្នុងតំបន់នោះ ។ វាមានប្រសិទ្ធិភាពក្នុងការកាត់បន្ថយការហើម និង រមាស់ ។

ការឈឺចាប់សាច់ដុំ (Muscle cramp) : កង្វះសារធាតុប៉ូតាស្យូម  (Potassium) អាចបណ្តាលឱ្យមាន ការឈឺចាប់សាច់ដុំ និង ងាយស្រួលទទួលការរងរបួស ។ ចេកជាផ្នែកមួយ ធម្មតានៃរបបអាហារ ដែលអាចជម្រុញថាមពល និងបងា្ករកាឈឺចាប់សាច់ដុំនិងការរងរបួស ។

ឈប់ជក់បារី (Quit smoking) : វីតាមីន B6 វីតាមីន B12  ព្រមទាំងប៉ូតាស្យូម (Potassium)  និង ម៉ាញេស្យូម (Magnesium) នៅក្នុងផ្លែចេក មានឥទ្ធិពលយ៉ាងខ្លាំង ក្នុងការសម្រួលជួយរាងកាយ របស់យើងបានល្អប្រសើរពីការដកខ្លួននៃជាតិនីកូទីន (Nicotine) ជាពិសេសចពោះបុគ្គល ដែល កំពុងព្យាយាម ឈប់ជក់បារី ។

ដំបៅក្រពះ (Stomach ulcer) : ចេក គឺ ជាផ្លែឈើតែមួយគត់ ដែលអាចបរិភោគបាន ដោយគ្មានបង្ក បញ្ហាដល់ក្រពះ  ខណៈរងគ្រោះពីជម្ងឺដំបៅក្រពះរ៉ាំរ៉ៃ ។ វាសម្រួលអាសុីតនៃទឹកក្រពះ និង ជួយកាត់ បន្ថយការរលាកនៃដំបៅ ដោយធ្វើជារបាំងលើស្រទាប់ក្រពះរបស់យើង។ ចេកទុំ អាចបន្ថយរោគ សញ្ញាស្រួចស្រាវ និង ការសះស្បើយ ។


ភាពតានតឹង (Stress) : នៅពេល ដែលយើងកំពុងយើងទទួលសម្ធាធពីភាពតានតឹង ការរំលាយ អាហាររបស់យើងបានកើនឡើង ហើយបណ្តាលឱ្យកម្រិតនៃសារធាតុប៉ូតាស្យូម ក្នុងរាងកាយបាន កាត់បន្ថយឬបាត់បង់កម្រឹតរសប់វា ។ ការទទួលទានចេក អាចជួយសម្រួលដល់សេ្ថរភាពនៃសារ ធាតុខនិជ (minerals) សំខាន់ៗ និង ជួយសម្រួលដល់ប្រក្រតីភាពនៃចង្វាក់បេះដូងរបស់ - នេះអាច រក្សាការផ្តល់អុកស៊ីសែនទៅខួរក្បាលនិង ធ្វើនិយ័តកម្មតុល្យភាពរបស់រាងកាយយើង ។

ដកស្រង់ពីអត្ថបទ "health benefits of banana" - Juicing for health dot com 
http://juicing-for-health.com/basic-nutrition/healing-foods/health-benefits-of-banana.html


ស្វែងយល់អំពីជំពូកវីតាមីន "ប៉េ" និង អត្ថប្រយោជនៃវីតាមីន "ប៉េ"
 http://www.nlm.nih.gov/medlineplus/bvitamins.html

ស្វែងយល់អំពីជំពូក "ខនិជ" និង អត្ថប្រយោជនៃ"ខនិជ"
http://www.nlm.nih.gov/medlineplus/minerals.html

No comments:

Post a Comment